MOMENT. FOR. STEL!
Umani ng papuri ang singer na si Stell Arejo na isa sa mga miyembro ng SB19 matapos ang kanyang performance sa katatapos lang na “Hitman” show ni David Foster kahapon, June 18 sa Quezon City.
Si Stell ang tumayo bilang front act sa nasabing show kung saan kinanta niya ang “All I Ask” ni Adele, “Room” na kanyang debut single, “Defying Gravity” mula sa musical na “Wicked”.
Pero umulan ng palakpak at standing ovation sa kanyang performance nang kantahin niya ang “All by Myself” ni Celine Dion, kung saan maging ang composer-producer na si David Foster ay napahanga dahilan, para tawagin ang kanyang pansin sa backstage at saluduhan sa kanyang rendition.
“This song by Celine [Dion], she claimed really a lot about this very high note, this impossible note to sing, and she hated me. In her book, she [wrote] two pages of how much she hated me that day at the studio, But we got the job done after a few tries. Tonight, my friend, Stell, you only had one try,” pahayag ni Foster kay Stel.
“Wow, what a voice. And he’s still very young. He’s got a major career ahead of him… and he’s your very own,” dagdag pa ni Foster.
Present din sa nasabing show sina Katharine McPhee, Brian McKnight, All-4-One, at Filipino rising stars na sina JV Decena at Joaquin Garcia.
Photo: Stel Arejo | Instagram
